ضحكة ساخرة بشكل كبير جداً تناسب موقف مثير جداً = في مبنى نقابة المهندسين بشارع رمسيس جمعنا لقاء مع عدد من الزملاء والزميلات المهندسين حيث كنا نسدد الإشتراكات السنوية ونستفسر عن بعض الأنشطة والفعاليات النقابية = وحدث حوار ضاحك بين بعض الزملاء المشتركين على الفيسبوك في إحدى المجموعات = وفجأة إنفعل أحد الزملاء وهو أستاذ في كلية الهندسة في حواره مع عدد من الحاضرين وأخذ في توجيه اللوم والعتاب لهم ساخراً بينما وقفت أنا وعدد آخر نتابع الحوار في دهشة شديدة وفي إعجاب أيضاً بكلام زميلنا الدكتور مهندس وهو يعاتب أصدقائه قائلاً لهم بالحرف الواحد : بقا لي مدة مش شايف لكم مشاركات ولاتعليقات ولاكومنتات على صفحة المجموعة ...إيييه الكسل بتاعكم ده ؟؟؟ ...وبعدين أدخل على صفحة أي واحد فيكم ألاقيكم بتتكلموا في الكورة أو عن عذاب القبر أو حاطين بوستات كلها إحباط وإكتئاب أو أي كلام فارغ وخلاص أو أشوف صور ألعابكم في الجيمز ...إنتو نسيتوا إنكم مهندسين واللا إيييه ؟؟ إنتو مهندسين يعني لازم فيه إبداع فيه شجاعة فيه تشجيع لبعضكم .. ماشوفتش ولا كومنت ولا لايك لأي واحد أو واحدة منكم لزملائنا ال كانوا في إنتخابات مجالس إدارات نقابات المهندسين الفرعية في الإنتخابات ال فاتت وكأنكم ميتيين وإحنا مانعرفش ..لازم كل واحد منكم يكون كومينتي بيلدر مع بقية زملائه ؟؟ ف رد عليه أحدهم قائلاً يادكتور إحنا داخلين الفيسبوك علشان نتسلى ونضيع وقت ...فور فان ...!!! ف رد عليه الدكتور : فور فان .. يعني داخلين الفيسبوك تهجصوا ...إتكسفوا على دمكم ...إنتم مسمعتوش عن إنترنت الأشياء ال حيحكم العالم السنين ال جايه ... إصحوا يابشر ...إنتو فكرتوني بالنكتة ال بتقول خليك متمسك بحلمك وخليك نايم لغاية ماتكمله .... فكرتوني بسواق ميكروباص كاتب على ضهر عربيته : العيب مش في الحديدة العيب في السواقين الجديدة ...ياخسارة الجمال في الناس ال شمال !!!!!!!!!
ليست هناك تعليقات:
إرسال تعليق