كتب صديق مقال جميل ملهم وهادف لمنع وتجنب الضغوط النفسية والعصبية في التعاملات مع الناس وكتبت له مداخلة سريعة، ويسرني مشاركتها معكم من باب التواصل الثقافي بشكل عام قال الصديق : ..... مع الوقت هتكتشف إن جَمدانك في سكوتك.. يعني اللي عاوز يدخل الشارع قبلك سِيبه اللي عاوز يدخل الطابور قبلك سِيبه اللي بيقول إنُّه أشطر منك سِيبه اللي بيحكي قصص وهمية سِيبه اللي بيقول أنا الأقوى سِيبه اللي بيتكلم عنك وحش سِيبه الي عايز يمشي سيبه الي مش عارف قيمتك سيبه الي بيقلل من قيمتك سيبه ماتضيعش وقتك في منافسات جِعجاعية.. اسكت وافرد ضهرك واتفرج على الفقرة من بعيد لأن حتى مُحاولة إثبات ذاتك بالكلام فيها تقليل من شأنك فـ اسكت واثبت وجودك بصمتك .......... وكانت مداخلتي معه كالآتي: كلمات جميلة ملهمة وصحيحة فعلاً في معظم الأحوال ولكن للأسف ياباشا فيه ناس بتفهم السكوت والصمت في بعض المواقف أنه جبن وضعف ولامبالاة هذا جانب،، وفي جانب آخر أيضاً الصمت والسكوت في قول الحق هو خطيئة كبيرة وتصيب الساكت والصامت نفسه وذاته في النهاية والحكمة تقول تكلم حتى نعرف من أنت، والساكت في قول الحق شيطان اخرس، وختاما قولوا للناس حسنا، وقولوا له قولا لينا لعله يتذكر أو يخشى ..تحياتي