مقال جميل يتداوله كثير من أصدقائنا ويرسلونه لبعضهم، ويستحق المشاركة لكلماته الجميلة الذكية الحكيمة العميقة المفيدةيقول : ﴿لَقَدْ خَلَقْنَا الإِنسَانَ فِي كَبَدٍ﴾ الآية دي معجزة… إحنا دايمًا متخيلين إن فيه ناس مرتاحة وناس تعبانة، لكن ربنا قال الحقيقة اللي يمكن مفيش حد واخد باله منها: مفيش حد مرتاح… كل إنسان في كَبَد، كل واحد شايل همّ بشكل أو بآخر. وربنا ما قالهاش عشان يحزّنك، قالها عشان يفهّمك إن اللى إنت فيه مش إستثناء ،وإن التعب جزء من تكوين الحياة… فمتفتكرش إنك أقل من غيرك، ولا إن غيرك عايش بلا شقاء. ولما تعرف إن التعب مكتوب على الكل…يبقى من الطبيعى أن نقول لأنفسنا : ما دام كده كده هنتعب… يبقى نتعب صح. نتعب في شغلنا ورزقنا وتطوير نفسنا ، وبنفس الدرجة نتعب لآخرتنا: فى طاعة، وذكر، وإستقامة، وسعى يخلّ تعبنا مش بس له معنى…لكن له جزاء عظيم. والفرق مش فى مين بيتعب ومين مرتاح… الفرق في إتجاه التعب ونوعيته : فيه واحد بيتعب للدنيا بس، وفي واحد بيتعب للدنيا والآخرة… وده اللي ربنا هيجمع له خيرى الدنيا والآخرة. تعب الدنيا بيروح… وتعب الآخرة بيخلّيك ترتاح للأبد. فـ إختار تتعب صح .