من المقالات الحلوة جداً عن اللغة العامية المصرية والتي يحبها غالبية بقية العرب ويستخدمونها كثيراً مثلنا ،هذا المقال المتداول بين الأصدقاء في جروباتنا على السوشيال ميديا
.......
عبقرية العامية المصرية:
كلمة " الإيد"
في اللهجة المصرية ملهاش مثيل ..
- إيده بيضا : يعني صاحب فضل ومعروف .
- إيده ماسكة : بخيل .
-ايده فِرطَه: كر يم بزيادة .
- إيده طايلة : بيقدر يعمل حاجات كبيرة
- إيده واصلة : واسطتة قوية .
- إيده طويلة : حرامي .
- إيده خفيفة : نَشَّال أو شاطر .
- إيده مخرومه : مبذر ، مسرف .
- إيده طارشة : يعني بيضرب جامد وف أي حته .
- إيده علي قلبه : بيخاف كتير .
-ايدك معايا : ساعدني .
- إيد ورا وايد قدام : ممعهوش حاجه او مايقدرش يعمل حاجة .
-على حطة ايدك : مفيش تغيير .
-تسلم ايدك : الف شكر .
-ايدك مِنُّه و الارض : مفيش فايده فيه
-ايدك ع المعلوم : هات الفلوس
-و الايد قصيره : يعني مفلس او غير قادر .
-الي ايده في الميه مش زي اللي ايده ف النار : انت مش حاسس بيه.
-ماسكُه من ايده الي بتوجعه : ماسك عليه زَلَّه
-إيدي علي كتفك : انا معاك أهه .
-ايده تتلف في حرير : شاطر الاداء
جاي و ايده فاضيه : ماجابش حاجه معاه
-إيدي متكتفه : عاجز إني اعمل حاجه
-عصفور في اليد : فرصه .. متضيعهاش
ليست هناك تعليقات:
إرسال تعليق